MERI PENERANG: Sagah maya aum pengarang berita nerangka pekara bekaul enggau GEES 2023 seraya disempulang Morshidi (kiba) enggau sida ke bukai, kemari. – Gambar Chimon Upon
Nitihku iya,penau bekaul enggau pengereja pengawa di serata dunya majak nambah.
“Bepelasarka asil ti ditemu Global Green Skills Report 2022 (Linkedln), penau gadung (green talent) ba pengereja pengawa udah nambah lebih ari 38 peratus kenyau ari taun 2015,” ku iya.
Ku iya, CENTEXS nempa kerejasama rat enggau kaban kunsi industri kena napi ubah gaya hari nengah chara nyendiaka mayuh agi modul latih gadung, tanggungpengawa gadung enggau kereja.
Kelimpah ari nya, iya madahka nyerumba GEES nya bisi semilan bansal pemandang disediaka lalu nambahka nya CENTEXS bisi bejalaika inisiatif ngatur Kimpin Gadung berengkah ari 19 Mei ngagai 23 Jun 2023 ba CENTEXS.
“MEITD nengah CENTEXS komited nyukung ekonomi gadung ti meruan enggau transformesyen energi kena nyapai juluk Sarawak 2030 enggau sukung sereta kerejasama perintah enggau kaban kunsi strategik, industri enggau komuniti.
“Tanggungpengawa enggau pengelandik gadung iya nya pekara ke pemadu beguna dalam penyulut enggau pengelengkas ngalih ngagai gadung di Sarawak. Juluk iya kena ngelatih penyereta Sarawak enggau antarabansa pasal Energi Gadung sehari tu,” ku iya.
Sama bisi maya aum pengarang berita, Chairman CENTEXS Tan Sri Datuk Amar Mohamad Morshidi Abdul Ghani enggau sida ke bukai.
